الفصل السابع من قصة الحب على اصوله
**( الحب على اصولة )**
- الفصل السابع تحت عنوان :-
**( GAME OVER )**
- الزمان :- بعد فصل امبارح بيوم …
- المكان :- منزل ملاك ( لقاء بين ملك و ملاك )
- وصلنا في الفصل السابق على مشاده كلاميه بين ملك و اخوها مؤيد , و إصرارها على تلقين اخوها الصغير درس عن طريقه ينهي علاقته بالبنت اللي يعرفها …
- ملاك :- خلاص خلاص , بتعيطي ليه بس يا ملك ….
- ملك :- بعد كل اللي حكيته ليكي بتقوليلي بعيط ليه ..!!
- ملاك :- مش قاصدي ,, طيب هتعملي ايه يعني ؟؟
- ملك :- مش عارفه , يعني لو كنت اعرف كنت هجيلك ..
- ملاك :- طيب فكرّي معايا كده ممكن نعمل ايه علشان مؤيد يبعد عن البنت دي ؟
- ملك :- اعتقد إن الاسهل اننا نبعد البنت عنه , مش نبعده عنها ..
- ملاك :- قصدك اننا نفشكل العمليه كلها بس عن طريق البنت مش عن طريق اخوكي …
- ملك :- اها , اعتقد بكده ممكن نخليه يعترف بغلطه ..
- ملاك :- بس ممكن يعاند و ممكن يمشي مع بنت تانيه ,, لازم الاتنين يقتنعوا ان الموضوع غلط , علشان ميتصرفوش كده مع ناس تانيه , ممكن البنت كمان بعد ما نبعدها عن مؤيد تقع في قصة تانيه مع شاب تاني …
- ملك :- الرسول ( صلى الله عليه و سلم ) قال :- إنما بعثت لأتمم مكارم الاخلاق .. و قال كمان ( من رأى منكم منكراً فليغيره ) ..
- ملاك :- عليه الصلاة و السلام , طيب عندك اي معلومات عن البنت اللي بيكلمها مؤيد ؟
- ملك :- انا اقدر اجيب رقم تليفونها , مؤيد اكيد مسجلة في النوته ..
- ملاك :- طيب كده كويس , دي بداية كويسه ,, عاوزين بقى نرسم خطه نقضي بيها على العلاقه دي ,, إيه رأيك لو نخلي البنت تقفش مؤيد و هوه بيكلم بنت تانيه ؟؟
- ملك :- للأسف مؤيد مش بيكلم بنات غيرها ..
- ملاك :- طيب إيه رأيك لو نخلي اهل البنت يعرفوا ان بنتهم بتكلم اخوكي ؟؟
- ملك :- مضمنش اهلها مكن يتصرفوا إزاي مع مؤيد , و كمان متنسيش اننا ممكن بكده نخللي البنت و مؤيد يعندوا اكتر و يصّروا على موقفهم بزياده ..
- ملاك :- طيب إيه رأيك لو ن……
- ملك :- بس , لقيتها خلاص .. وجدتها ……
- ملاك :- قولي يا فرانكشتاين …!
- ملك :- انا هطلب البنت و اقولها اني عاوزه اقابلها , بس من غير ما اخويا يعرف .. و بعد كده اقعد انا و انتي معاها و نشوف مدى استجابتها للنصيحه , و من خلال كلامنا معاها هنعرف نقطة الضعف اللي نقدر نستغلها علشان تقتنع انها ماشيه في سكه غلط ….
- ملاك :- برافو عليكي يا ملك , فعلا فرانكشتاين بجد …..
- بعد يوم واحد بس من المناقشه دي قدرت ملك تجيب رقم تليفون البنت و كانت المكالمه التليفونيه كاللتالي :-
- ملك :- منزل الاخت هاله ؟
- هاله :- ايوه انا هاله مين معايا ؟
- ملك :- انا ملك أخت مؤيد يا هاله , ممكن اطلب منك طلب ؟
- هاله :- اهلا يا ملك , طبعا تحت امرك , اتفضلي ..
- ملك :- لأ مش هينفع في التليفون , ممكن اقابلك ؟
- هاله :- طبعا ممكن , انا من زمان كان نفسي اتعرف عليكي و على مروة و مريم كمان ..
- ملك :- خلاص يا جميل , انهارده كويس , على الساعه سبعه المغرب كده ؟
- هاله :- اوك , مفيش مشاكل …
- ملك :- بس بالله عليكي متقوليش لمؤيد اني طلبتك , اتفقنا ..
- هاله :- حاضر , يبقى انهارده فين ؟؟
- ملك :- اكتبي العنوان ده عندك , ده بيت واحده زميلتي اسمها ملاك , هقابلك عندها ..
- هاله :- اوك خلاص كتبته , ملاك اسم جميل جدا و لايق عليكي يا ملك ههههه
…………………………………
- و فعلا في الميعاد وصلت هاله لمنزل ملاك و هنا المخرج هيعمل ستوب …
- تابعونا حالا مع بقية الفصل السابع …..
……………………../ باسم فوزي ( الجنايني )
**( الحب على اصولة )**
- الفصل السابع تحت عنوان :-
***( GAME OVER )***
المتابعه ( اكشن) :-
- دخلت هاله منزل ملاك و كانوا في انتظارها بالاحضان و طبعا هاله متعرفش إن المقابله دي هتغير حاجات كتير في مجرى حياتها العاطفيه ……
- هاله :- طبعا انتي ملك و انتي ملاك ..
- ملاك :- طبعا اكيد هيا ملك , الشبه واضح بينها و بين مؤيد ..
- ملك :- و طبعا انا مش معلقه جناحين علشان ابقى ملاك , ههههههه
- ملاك :- ليه بس كده يا فرانكشتاين , ههههههههه
- هاله :- حلوه فرانكشتاين دي , ههههههه
- ملك و ملاك و هاله بدأوا الحوار بضحك و هذار و مداعبات خفيفه علشان يطبقوا المثل اللي بيقول ( الهدوء الذي يسبق العاصفه )
- هاله :- خير يا ملك , كنتي محتاجاني في أي حاجه ؟
- ملك :- انتي عندك اخوات صبيان يا هاله ؟
- هاله :- اه عندي اربعه منهم اتنين صبيان , بس انا الكبيره في البيت , زيك كده ..
- ملك :- ماما و بابا بتشتغلوا إيه يا هاله ؟
- هاله :- ماما سكرتيره في مكتبة مدرسة الطلائع الاعداديه , و بابا مدير مدرسة ابتدائي ..
- ملك :- جميل جدا ,, انتي عرفتي مؤيد فين و إزاي ؟
- هاله :- ممممم , لو كنت اعرف انه تحقيق كنت جبت معايا السيرة الذاتيه و ريحتك من الاسئله دي كلها هههههههههههه
- ملك :- ههههههه , مش تحقيق و لا حاجه , بس عاوزه اتعرف عليكي مش اكتر .
- هاله :- على العموم مؤيد معايا في الدروس كلها تقريبا و عرفته عن طريق كده ..
- ملك :- بتحبيه يا هاله ؟
- هاله :- طبعا بحبه , مؤيد الشخص الوحيد اللي لقيت معاه حاجات كتير مفتقداها في بيتي ..
- ملاك :- اها , حاجات زي ايه يا هاله ؟
- هاله :- يعني , الاهتمام , العطف , الحنان , الثقه , و حاجات كتير تانيه ..
- ملاك :- افهم من كلامك ان البيت مفيهوش حنان و عطف و ثقه و اهتمام ؟
- هاله :- اكيد طبعا فيه , بس مش بنفس المقدار اللي لقيته مع مؤيد , البنت بتحتاج تلاقي الحاجات دي من شخص غريب عن البيت , او بمعنى تاني شخص مش مضطر يديني الحاجات دي ..
- ملاك :- و مؤيد بيثق فيكي و بيحترمك و بييهتم بيكي للدرجه اللي تخليكي تخوني اهلك و بيتك ؟
- ملك :- للدرجه اللي تخليكي تخوني ثقة اهلك فيكي , و احترامهم ليكي ؟
- هاله :- مين قال إني بخون ثقة اهلي , انا الحمد لله لحد انهارده مسمحتش لمؤيد انه يلمس ايدي حتى , او يتكلم معايا في اي حاجه غلط او حرام ؟
- ملاك :- و انتي متعرفيش ان مجرد كلامك معاه حرام , مش لازم يلمس ايدك علشان يبقى غلط , كفايه انك بتكلميه في التليفون , و بتقابليه ..
- هاله :- ايوه بس انا بقابله في اماكن محترمه مش مشبوهه , و كمان كل كلامنا طبيعي جدا , يعني غالبا بيكون عن مشاكل بتقابلني او مواقف بتحصللي و محتاجه نصيحه معينه , مش كل مقابلاتنا بتكون عن الحب و كده يعني …
- ملك :- و تفتكري كده انتي صح و مش بتغضبي ربنا , يعني لو بابا او ماما عرفوا اللي انتي بتعمليه هيشجعوكي علشان مؤيد مش بيلمس ايدك او بياقبلك في اماكالمزيد
ـــــــــــــــــــــــــــــــــــــــــــــــــــــــــ
التصنيفات : غير مصنف |
